ELECCION DA ZONA.

    Aínda que a zona concedida, normalmente é controlada polo Goberno, sería moi importante que reunise as condicións máis favorables para conseguir un bo crecemento do molusco, e que á súa vez fose un área non moi exposta ás ondas e as tormentas que puidesen afectar ás tarefas do cultivo.

    A profundidade das augas é un factor que cómpre ter en conta. En zonas de pouca profundidade, a lonxitude das cordas vese limitadas por razóns obvias. En zonas moi cálidas, como o Mediterráneo, a temperatura da auga pode alcanzar niveis tan elevados que afectaría á supervivencia do mexillón.

    En zonas ricas en plancto conséguese un desenvolvemento máis rápido, por isto a análise da auga é outro dos factores que se deben ter en consideración á hora de elixi-la zona máis idónea para o cultivo.