|
Ó
colga-las cordas na liña debemos deixar ó principio desta un tramo
de liña con lazo, pero sen corda equivalente ó longo aproximado
da embarcación, de xeito que para comeza-lo traballo poidamos
coloca-lo barco entre o principio da corda co mexillón e o primeiro
lazo sen corda. Con isto evítase que, no intre de comenza-lo desdobramento,
teñamos uns metros de liña a bordo, coa corda cargada de mexillón,
entorpecendo o traballo. A medida que vai progresando o proceso
de desdobramento e avanzamos ó longo da liña, este tramo sen corda
vaise desprazando cara ó outro extremo da mesma. Deste xeito,
ó remata-la operación de desdobramento, teremos ese mesmo tramo
sen corda no outro lado da liña, quedando esta disposta para comezar
en dirección inversa na seguinte ocasión.
|
|
|
Como
é lóxico, mentres pola popa da embarcación asoma o primeiro tramo
de corda para desdobrar, na proa témo-lo comezo da liña. E aí
é, onde colocaremos, pendurado do primeiro lazo, o inicio da nova
corda xa desdobrada.
Así,
ó comeza-lo desdobramento, temos un tramo de liña sen corda na
que comezamos a pendurar no primeiro lazo. A corda que imos recollendo
para desdobrar, por conseguinte, non se acumula, porque esta que
imos recollendo por un lado, é a mesma que vai saíndo desdobrada
por outro cunha diferencia de dous ou tres longos de corda.
Se
non o fixesemos así, teriamos tódolos longos de corda que contén
a distancia entre a proa e a popa dentro do barco.
Por
exemplo: cunha embarcación de 5m. de eslora, e cunha liña que
teña en cada metro 2 tramos de corda de 4m.de longo, teriamos
dentro do barco 5x2x4 = 40m. de corda, cargada de mexillón, o
que restaría capacidade de manobra no traballo, afectando moi
negativamente ós resultados do mesmo (véxase figura 5).
|
