A COLLEITA.

    A colleita do mexillón para a venda faise como explicáramos na tarefa de desdobramento. Desta mesma, maneira as cordas co mexillón irán subindo pola rampla de acceso e irase desprendendo ó pasar polo dispositivo 3, que o vai arrincando da corda. Esta corda que previamente se soltara da liña, usando o lazo corredío, volvérase enganchar logo permanecendo no mar da mesma forma que cando contiña o mexillón. Quedando así preparada para ser usada como colector ou para implantar novamente a semente.

    O mexillón resultante neste caso cómpre elaboralo en terra ou sobre plataforma, xa que doutra forma no teriamos moito espacio para almacena-lo mexillón colleitado e a embarcación estaría sobrecargada se tivesemos sobre ela as máquinas. Así pois o debullamento e envasado fariámolo, como dixemos, en terra ou sobre plataforma usando a debulladora e a mesa selectora.

    Tendo a embarcación preto poderemos conectar nela as mangueiras para o accionamento das máquinas. Se a embarcación fose o suficientemente grande para que puidesemos facer este labor sobre ela, non cabe dúbida de que o proceso sería moito máis rápido e ó mesmo tempo máis cómodo.