DESDOBRAMENTO.

    Ó face-lo desdobramento debemos ter en conta que a semente debe ser liberada da rede no menor tempo posible, dentro das condicións que a situación nos permita. En zonas tranquilas, se a semente ten o viso suficientemente forte, bastará con utilizar cordel sobre o desdobramento. Pero en zonas onde o mexillón tende a desprenderse debido ás ondas ou a un viso non moi forte, cómpre usa-la rede manual que se fabrica en algodón, acetato, nailon, ou mestura de nailon-acetato, dependendo da facilidade de desprendemento.