SELECCIÓN DA SEMENTE.

    No desdobramento ou retubado, hai que debullar e selecciona-la semente para conseguir unha uniformidade no tamaño, eliminando ademais ó mesmo tempo os parasitos existentes. En ocasións, hai gran cantidade de semente pequena mesturada, e cómpre separa-la dos parasitos que saíron conxuntamente pola rella da debulladora. A mellor forma de facelo é pasando este conxunto pola mesa selectora, previamente regulada á medida axeitada. Ó esta-la semente solta é moi fácil separala dos parasitos cun simple movemento sobre a rella da mesa. Con ela faranse novas cordas procurando non mesturalas coa semente anterior, e colocándoas noutra zona, xa que esta semente necesitará máis tempo para o seu crecemento que a outra máis grande.