POSTA EN MARCHA.
Antes da posta en marcha é preciso asegurarse de que a conexión de mangueiras é a correcta. Inverti-las mesmas pode causar serios danos na maquinaria.
A entrada de presión debe conectarse ó enchufe (1) que de fábrica sae cun terminal macho. Retorno ó enchufe femia (1A). Unha vez chea a tolva (2) de mexillón e a rede no cartucho correspondente (3), así como o fío (4) no seu soporte, introdúcese o extremo da corda pola parte da rabiza, que servirá para colga-la corda. Esta faise pasar pola canle da corda (5) e sácase pola saída (6) ata o nó que une a rabiza e a corda. Neste punto átase a rede así como o fío, quedando disposto para comeza-la corda que se vai desdobrar. Acciónanse as pancas de posta en marcha (7) e (8) e iníciase o tiro da corda, apoiándosea man que suxeita sobre o halador (9). Cómpre facer un ensaio na primeira corda, regulando a velocidade e cantidade de mexillón. Accionando os reguladores (10) e (11) no sentido das agullas do reloxo, aumentámo-la velocidade de saída da corda e a cantidade de mexillón.
Na elaboración dunha corda pódese necesitar parar un instante a mesma para rechear unha falta de mexillón, o que se consegue accionando a panca exterior (7). Unha vez chegado ó remate da corda, párase a máquina accionando as dúas pancas (7) e (8) ó mesmo tempo. Para facilita-la visión do remate da corda, cómpre poñe-lo derradeiro palillo desta de distinta cor. Este derradeiro palillo suxéitase por medio do gancho (12), permitíndo así facer un nó e corta-la rede mailo fío.

ENCHEDURA DA REDE
A máquina A2 vai provista de dous cartuchos (3) para alberga-la rede que cubrirá o mexillón que se vai desdobrar e un cono de carga (13) para facilita-la entrada da rede nos cartuchos.

RECAMBIO DO CARTUCHO
Para proceder ó recambio dos cartuchos débese sacar previamente a boquilla (14) afrouxando as roscas de ás (15) que a suxeitan. A continuación sácase a faixa de tea (16) soltando os cabos (17) que a suxeitan ós ganchos (18).
Baixando a panca (19) queda liberado o cartucho que xa se poderá extraer tirando del cara a fóra. A montaxe faise de forma inversa.
A faixa (16) serve para controla-la tensión de saída da rede. Deslizando o tubo de goma (20) sobre a goma do peche, pódese aumentar ou diminuí-la presión da mesma.

RECAMBIO DO FÍO
Desenroscando a tapa de nylon (21) podemos cambia-la bobina de fío. Cómpre te-la precaución de saca-lo casquete (22) para colocalo do mesmo xeito na nova bobina. É importante montalo de xeito que ó tirar do fío a bobina xire no mesmo sentido que as agullas do reloxo, mirando dende o lado do halador (9), xa que de facelo ó contrario correriámo-lo perigo de que ó xirar se fose afrouxando a tapa de nylon (21).
Para controla-la tensión do fío actúase sobre as torcas (23) Hai que facer pasa-lo fío polo anel (24).
Cando se fai o desdobre cun diámetro superior a 15 cms. pode quedar máis mexillón por riba da corda que por debaixo, xa que a separación que permiten as lengüetas (25), situadas á saída da canle da corda, é insuficiente. Para compensa-lo reparto do mexillón, deben desprazarse uns separadores (26) que van instalados debaixo das lengüetas.

DESMONTAXE DA TOLVA
Para desmonta-la tolva, simplemente solte os enganches laterais (27). Para colocala observe a posición do vibrador (28) e do resorte (29).

DESMONTAXE DO EIXO
Para desmonta-lo eixo espiral (30), cómpre sacar previamente a tolva, e extraelo logo tirando do mesmo. Nunca se debe golpear sobre as espiras, xa que deformarían o eixo. En caso de que fose preciso golpear para saca-lo eixo, débese facer sobre o núcleo introducindo unha barra polo oco que permite entre o motor (31) e a caixa..

DESMONTAXE DO EQUIPO HIDRÁULICO
O equipo hidráulico vai montado sobre o motor OMM32 (32) que se suxeita á estructura por medio de tres parafusos M6. Para saca-los parafusos, debe extraerse previamente a polea dentada (33), que acciona a correa (34).

PUNTOS DE ENGRAXE
Periodicamente débense engraxa-los rodillos (35) e os casquetes do eixo (36) (Fig. 2).

RELACION DE PEZAS

NOME  Nº REF. Enchufe macho  1 015 Enchufe femia  lA 208 Tolva  2 508 Chave  7 042 Chave   8 042 Halador  9 062 Eixo halador  9A 500 Regulador  10 079 Regulador  11 079 Gancho  12 501 Resorte gancho  12A 151 Cono carga  13 152 Boquilla 14 153 Rosca de ás  15 154 Faixa  16 505 Panca freo cartucho  19 499 Tapa nylon fío  21 204 Casquete fío  22 205 Torcas fío  23 181 Separador lengüeta  25 506 Enganche peche  27 016 Vibrador  28 507 Taco vibrador  28A 287 Resorte vibrador  29 552 Eixo espiral   30 520 Motor OMP50  31 086 Motor OMM32   32 065 Polea dentada   33 300 Correa   34 063 Rodillo de 29Ô  35 203 Rodillo de 42Ô  35A 293 Casquete eixo halador  36 514 Manguito hidráulico  37 519 Volante  38 153 Variña roscada  39 119 Reductora  40 089 Protección reductora  41 515 Goma cardan  42 516 Protección volante  43 517 Tope pata  44 197 Pata  45 512 Torniqueta  46 510

¿Quen Somos ? - Catálogo - Atención ó Cliente - Manuais - Enlaces - Long-Line