POSTA EN MARCHA
Antes da posta en marcha é aconsellable asegurarse de que as conexións das mangueiras son correctas. En caso de invertelas, a máquina xiraría ó revés. A entrada de presión debe conectarse no enchufe (1), que de fábrica sae cun terminal macho.
Para a posta en funcionamento, unha vez conectada, faise xira-la panca (7) da chave de accionamento. Énchese a tolva (2) e seguidamente gradúase a criba (3) mediante as manillas (4), para selecciona-lo tipo de mexillón desexado. Procurar xira-las dúas manillas (4) na mesma posición para evitar que quede máis aberto nun lado que no outro.
A máquina debe apoiarse sobre a mesa selectora encaixando o enganche (5) sobre a beira da mesma. Se se precisa un degranado maior, débese baixa-la degranadora das patas (6), afrouxando as rosca de ás (8). Non se debe baixar excesivamente a máquina das patas, xa que prexudica ó mexillón, polo que se deberá ir baixando paulatinamente ata ver que o degranado é o desexado. Cando o mexillón ten o viso pouco forte, a máquina pode degranar en posición horizontal. Débese mante-la tolva totalmente chea e, en caso de que a cantidade de mexillón que sae pola boca de saída sexa excesiva, débese baixar de revolucións, actuando sobre a panca (7). Así, conseguirase que o mexillón non resulte danado

DESMONTAXE
Para desmonta-la degranadora sóltanse primeiro os enganches (27), procurando soltar en último lugar o enganche superior. Unha vez sacados os enganches, extraese a criba tirando dela cara a fóra. A continuación, tírase do eixo da mesma forma, fixéndose na estrela do acoplamento que soe quedar solta

DESMONTAXE DO MOTOR
Para saca-lo motor, sóltanse as dúas torcas que o suxeitan, e extraese tirando do mesmo. É frecuente que o acoplamento que se monta sobre o eixo do motor, se atasque a causa do óxido que se pode producir, debido a que este se fabrica en aceiro normal. Neste caso, haberá que extraelo golpeando con axuda dunha barra sobre o eixo do motor ou cun extractor de garras.

RECAMBIO DE PALETAS
As paletas do eixo da degranadora (9) soen gastarse co uso. Cando se desmonta o eixo (25), debe terse a precaución de non golpea-lo deflector (10), xa que se este se deforma, pode provoca-la ruptura do mexillón.

PUNTOS DE ENGRAXE
Periodicamente, deben engrasarse os puntos (11).

RELACION DE PEZAS

NOME Nº REF. Enchufe macho 1 015 Enchufe femia lA 208 Tolva 2 508 Criba 3 509 Chave 7 042 Torniqueta 8 510 Paleta 9 176 Paleta 9A 177 Chapa 9B 511 Engraxador 11 002 Acoplamento 12 137 Pata 13 512 Tope pata 14 197 Motor 200 15 087 Chaveta 16 021 Acoplamento mecanizado 17 109 Casquete 17A 243 Estrela 18 077 Empalme 1/2 - 3/8 19 056 T 3/8 20 059 Reducción 1/2 - 3/8 21 010 Hembra voss 22 018 Femia voss 23 017 Tubo 12 C 24 258 Eixo completo 25 513 Casquete 26 518

¿Quen Somos ? - Catálogo - Atención ó Cliente - Manuais - Enlaces - Long-Line